Hyrwyddo'r Gwerthoedd yn yr ysgol ac yn fyd-eang
Pam Bydd Barod?
Fel rhan o amcan rhagoriaeth yr ysgol, roedd Ysgol John Bright (Conwy, Cymru) eisoes yn ymwneud â hyrwyddo rhagoriaeth mewn chwaraeon a dinasydddiaeth byd-eang. Roedd Gemau Olympaidd a Pharalympaidd 2012 yn gyfle gwych i hyrwyddo, datblygu ac addysgu yn y meysydd hyn gan ddefnyddio digwyddiad fyddai'n cael ei gynnal yn y DU.
Gyda'r Gemau mor agos atom, roedd yna lawer o gyfleoedd i hyrwyddo'r Gwerthoedd Olympaidd a Pharalympaidd ac i addysgu myfyrwyr ar lefel fyd-eang.
Y Daith Hyd Yma
Siaradodd yr athletwr Olympaidd Jamie Baulch â'r myfyrwyr fel rhan o ymgyrch iNet Cymru i ddenu diddordeb ysgolion yng Ngemau 2012. Disgrifiodd ei brofiadau ei hun wrth gystadlu'n y gemau Olympaidd a'r penderfyniad sydd ei angen i lwyddo ar y lefel uchaf.
Mae cynlluniau gwaith AG wedi ymgorffori elfennau megis cynhwysedd a gwobrwyo ymroddiad. Trwy'r Wythnos Chwaraeon Ysgol Genedlaethol bydd myfyrwyr yn cofnodi eu gorau glas mewn amrywiaeth o gampau a bydd wythnos Gemau Olympaidd yn ymgorffori ystod o weithgareddau yn seiliedig ar y Gwerthoedd.
Mae gweithgareddau eraill ar draws y cwricwlwm wedi cynnwys:
- Portffolios 'Gelli lwyddo' mewn TGC yn seiliedig ar y Gwerthoedd ac anelu at annog eraill i wella eu ffyrdd o fyw.
- Daearyddiaeth modiwl chwaraeon
- Creu rysetiau ar gyfer cystadleuaeth Bydd Barod i ymarfer blasu.
- Dylunio cynhyrchion coffa Llundain 2012
- Cymryd rhan yng Ngwobr posteri Inspire Aspire
- 'Arwyr Chwaraeon' 6ed Dosbarth yn gweithio â chwaraeon ysgolion cynradd.
Bydd Ysgol John Bright yn cefnogi Malawi a De Affrica yn ogystal â Phrydain yn y Gemau Olympaidd a Pharalympaidd. Gyda chysylltiad â phartner-ysgolion yn y ddwy wlad, mae sesiynau Skype yn cadw pawb mewn cysylltiad.
Gwerthoedd Positif
Gan eu bod wedi cael eu harddangos yn amlwg o gwmpas yr ysgol, mae'n hawdd i staff gyfeirio at y Gwerthoedd mewn gwersi ac mewn bywyd o ddydd i ddydd gyda'r myfyrwyr; gellir perthnasu'r Gwerthoedd yn hawdd i bopeth a wna'r myfyrwyr, o berfformio ar y diwrnod mewn arholiad i resymau y tu ôl i reolau'r ysgol.
Mae defnyddio'r Gemau a chwaraeon i gyflwyno'r Gwerthoedd wedi gylygu bod myfyrwyr wedi cymryd rhan yn y gweithgareddau ac yn sylweddoli sut mae'r Gwerthoedd yn bwysig i'r Gemau ac mewn bywyd bob dydd.
A'r uchafbwynt i'r myfyrwyr?
Mae myfyrwyr wedi cael eu hysbrydoli gyda'r syniad o fod y gorau am wneud rhywbeth a gweld pobl sy'n byw yn eu gwlad hwy yn paratoi i fod ar eu gorau yn y Gemau.
- "Nid oeddwn erioed wedi meddwl y gallai bachgen ysgol (Tom Daley) fod yn y Gemau Olympaidd."
- "Rwyf wedi defnyddio Gwerthoedd y Gemau Olympaidd i feddwl am wneud fy ngorau yn fy arholiadau"
- "Mae'n wych eu bod yn cael eu cynnal yma ac y gallwn fod yn rhan o'r paratoadau."
Ymlaen at 2012
Mae ysgol John Bright eisiau i fyfyrwyr ddeall y Gwerthoedd Olympaidd a Pharalympaidd yn iawn, i sylweddoli sut y gallant weithredu arnynt yn eu bywydau bob dydd a gweld sut mae'r Gwerthoedd hyn yn helpu amrywiaeth o bobl i fod yn rhan o gymuned gref.
Wrth i 2012 agosau mae'r ysgol yn amcanu i fyfyrwyr gael profiad cyflawn o baratoadau'r Gemau Olympaidd a Pharalympaidd er gwaethaf bod cryn bellter o Lundain.
