Cofleidio'r Freuddwyd Olympaidd
Pam Bydd Barod?
Gyda ffocws yr ysgol gyfan ar Lundain 2012, mae Ysgol Bryn Alyn eisoes wedi sefydlu pwyllgor Breuddwydion Olympaidd o fyfyrwyr a thrwy lwyddiant yng nghystadleuaeth Breuddwydion Olympaidd y BBC a'r Cyngor Prydeinig mae hi wedi cael ei chysylltu ag ysgol yn Iowa a fynychwyd gan y gymnastwr Americanaidd Shawn Johnson.
Ystyriwyd bod ymuno â Bydd Barod yn ffordd o annog myfyrwyr i fod yn falch o'u gwlad ac i ddefnyddio straeon am athletwyr i ysbrydoli myfyrwyr i wireddu eu breuddwydion eu hunain.
Y Daith Hyd Yma
Sefydlwyd amserlen ar gyfer cyfres lwyddiannus o ddyddiau Breuddwydion Olympaidd y Byd i weithio ar weithgareddau i hyrwyddo'r Gwerthoedd ac i ysbrydoli myfyrwyr i ddeall mwy am y byd. Roedd pob maes cwricwlaidd yn canolbwyntio ar un o dri thema, sef 'Byd', 'Gemau Olympaidd' a 'Breuddwydion'. Roedd amrywiaeth o weithgareddau ymgysylltiol a chyffrous yn cynnwys:
- Creu dalwyr breuddwydion anferthol
- Ymchwilio i gynaliadwyedd y Lleoliadau Olympaidd
- Sesiynau blasu hyfforddi pêl-foli
- Gweithdy drymiau Affricanaidd
- Gwaith ar fab y Fflam Olympaidd
Mae grŵp COPE yn ysgol wedi trefnu i droi gardd ffrynt yr ysgol yn Ardd Olympaidd gydag ymgyrchoedd codi arian yn cael eu cynnal gan fyfyrwyr a rhoddion gan y gymuned leol.
Mae cyfeillgarwch yn parhau i gael ei feithrin trwy waith gyda'r ysgol gyswllt yn Iowa. Rhennir prosiectau cwricwlwm ac mae myfyrwyr wedi datblygu tudalen Facebook o'r enw 'Bryn Alun Southwoods' er mwyn cysylltu gyda'i gilydd a galluogi rhannu clipiau fideo a ffotograffau.
Gwerthoedd Positif
Roedd y Diwrnodau Breuddwydion Olympaidd yn ymgorffori dysgu testun ar draws y cwricwlwm gyda nifer o enghreiiftiau o wahanol ddulliau addysgu a dysgu; bu i'r myfyrwyr fwynhau profiadau na fyddant fel arall wedi eu cael a chafodd y Gwerthoedd eu hyrwyddo.
Mae'r myfyrwyr wedi dod yn fwy ymwybodol o'r aberth a wneir gan athletwyr er mwyn gwireddu eu breuddwydion, a bu i stori Shawn Johnson eu hysbrydoli'n fawr.
A'r uchafbwynt i'r myfyrwyr?
- "Rydym yn fwy ymwybodol o ystyr y Gemau Olympaidd (nid chwaraeon yn unig!) a rydym eisiau gwireddu ein breuddwydion ein hunain beth bynnag fônt".
- "Cydraddoldeb rhwng Gemau Olympaidd a Gemau Paralympaidd"
- "Bod mewn cysylltiad â Phencampwr Olympaidd oedd ond yn ddisgybl cyffredin fel ni."
Ymlaen at 2012
Trwy gysylltiadau rhyngwladol mae gwybodaeth y myfyrwyr am y byd yn cynyddu'n barod. Mae Ysgol Bryn Alyn yn amcanu at annog datblygiad y myfyrwyr fel dinasyddion y byd ac mae yna gynlluniau i ddatblygu'r Pwyllgor Breuddwydion Olympaidd yn Bwyllgor Rhyngwladol.
Y mae hefyd eisiau adeiladu ar lwyddiant y diwrnodau cwricwlwm gan amcanu at weld myfyrwyr yn trafod paratoadau Llundain 2012 gyda chyffro a brwdfrydedd, i fod â mwy o ddiddordeb yn 'eu' Gemau hwy nag mewn Gemau eraill a sylweddoli nad chwaraeon yn unig yw'r Gemau ond cyfle hefyd i wireddu breuddwydion.
"Yn y pen draw rydym eisiau i'n myfyrwyr sylweddoli bod unrhyw beth yn bosibl os gweithiwch yn galed a'ch bod yn benderfynol - rhywbeth y gallant ei barhau drwy weddill eu bywydau."
