Newid o fod yn Goleg Cymunedol i fod yn Academi
Pam Bydd Barod?
Roedd All Saints Academy (Plymouth, De Orllewin Lloegr) eisiau i'w disgyblion deimlo eu bod yn rhan o'r Gemau er gwaethaf eu pellter o Lundain. Roedd Bydd Barod yn llwyfan i helpu i hyrwyddo'r Gwerthoedd Olympaidd a Pharalympaidd a galluogi staff i gynllunio gweithgareddau creadigol drwy gydol y flwyddyn.
Gwelwyd bod thema ysbrydoledig y Gemau Olympaidd a Pharalympaidd yn hynod bwysig ac yn ffordd ragorol i helpu gyda'r newid o fod yn Goleg Cymunedol i fod yn Academi. Gallai myfyrwr gael eu hnnog i anelu'n uwch o ran eu dyheadau a'u gweithrediadau.
Roedd All Saints eisiau dangos i fyfyrwyr nad athletwyr Olympaidd a Pharalympaidd yn unig all arddangos y Gwerthoedd, ond y gallan nhw hefyd fyw yn ôl y Gwerthoedd yn eu bywydau bob dydd.
Y Daith Hyd Yma
Bu i seremoni agor Olympaidd a Pharalympaidd ac ystod o ddigwyddiadau cysylltiedig helpu All Saints i ddathlu bod yn Academi, tra'n codi ymwybyddiaeth o'r Gwerthoedd Olympaidd a Pharalympaidd a dod â'r Gemau'n fyw.
Roedd y gweithgareddau'n cynnwys:
- Ymweliad gan y ddeifwraig Olympaidd Tonia Couch
- Gweithgareddau menter ac adeiladu tîm
- Chwaraeon traddodiadol a chyfoes
- Gorymdaith wedi ei harwain gan gariwr baner All Saints Acamemy
- Creu cylchoedd Olympaidd ar y cae.
Yn ogystal â chyfleoedd i ennill medalau, roedd myfyrwyr yn cael eu gwobrwyo am arddangos y Gwerthoedd Olympaidd a Pharalympaidd. Cyflwynwyd 'Cwpan Academi' newydd i'r tîm oedd â'r pwyntiau uchaf.
Bydd myfyrwyr yr academi yn arwain mewn:
- Cynnal digwyddiadau ysgolion cynradd
- Cyflwyno gwasnaethau i ddisgyblion eraill
- Creu bwrdd arddangos i hyrwyddo'r Gemau Olympaidd a Pharalympaidd a'r Gwerthoedd.
Gwerthoedd Positif
Mae canolbwyntio ar y Gwerthoedd wedi cyfoethogi ethos a gweledigaeth yr Academi newydd. Teimlwyd bod seremoni agor wedi helpu i ddatblygu perthynas rhwng staff a myfyrwyr a arweiniodd at agor yr academi yn llwyddiannus a gwell ymddygiad o gwmpas y campws.
Mae staff wedi sylwi bod cyflwyno tystysgrifau Gwerthoedd Bydd Barod wedi bod yn ddefnyddiol wrth hyrwyddo ystyr y Gwerthoedd.
A'r uchafbwynt i'r myfyrwyr?
- "Pawb yn ceisio'u gorau glas"
- "Rydych yn dod i glywed am straeon am faint o waith maent wedi ei wneud a faint maent wedi dyfalbarhau"
- "Yr holl wledydd yn dod at ei gilydd i arddangos eu talentau"
- "Mae'n dangos bod yr amhosibl yn bosibl."
Ymlaen at 2012
Mesur o lwyddiant i All Saints fyddai gweld cymuned yr ysgol gyfan yn cymryd diddordeb mewn ystod eang o ddigwyddiadau'r Gemau a'r myfyrwyr yn credu mewn anelu at ragoriaeth a cheisio gwireddu eu hangerdd neu freuddwyd.
Mae All Saints eisiau i fyfyrwyr gael blas ar gystadlu, cyfranogi ac ennill mewn chwaraeon yn union fel mae athletwyr yn ei flasu yn y Gemau Olympaidd a Pharalympaidd. Bydd cyfleoedd mewn ystod eang o weithgareddau'n cael eu cynnig i fyfyrwyr, gan anelu at adeiladu ar waith tîm, datrys problemau a serio'r Gwerthoedd Olympaidd a Pharalympaidd.
