Cymerodd y Gogledd-ddwyrain ganol y llwyfan pan ymunodd 600 o blant ysgol Newcastle ag enillydd medal arian Olympaidd, Gail Emms, yn Ysgol Heaton Manor am ail ddiwrnod Wythnos Genedlaethol Chwaraeon Ysgol Lloyds TSB.
Ail ddiwrnod Wythnos Genedlaethol Chwaraeon Ysgol Lloyds
28 Meh 2011
Ymunodd y cyn-seren badminton Gail Emms â Wenlock, mascot Olympaidd Llundain 2012, i gymryd rhan mewn diwrnod a fwriedid i annog disgyblion i geisio cyflawni gorau personol mewn camp Olympaidd neu Baralympaidd.
Hefyd, yn ysgol Heaton Manor, cyrhaeddodd prototeip o’r Fflam Olympaidd a lansiwyd yn ddiweddar a chafodd ieuenctid Newcastle gyfle egsgliwsif i weld yr hyn fydd yn rhan allweddol o Gemau’r flwyddyn nesaf. Wedi iddi roi cynnig ar gampau’n ymestyn o rwyfo hyd at y naid hir, buan yr enwodd Gail Emms y diwrnod yn un hynod o lwyddiannus.
Meddai Gail Emms, “Roedd yn wych cael cynnig ar yr holl gampau gwahanol, ond hefyd cael gweld y Fflam Olympaidd.” Adleisiwyd ei meddyliau gan Bennaeth AG Heaton Manor, Chris Mason, ac meddai: “Roedd cael y Fflam Olympaidd yn aros yma yn wledd a gallech weld o’r cyffro oedd ar wynebau’r ieuenctid eu bod yn dechrau deall o ddifrif pa mor bwysig yw rhoi cartref i’r Gemau.”
Mae Ysgol Heaton Manor, sy’n aelod o rwydwaith Bydd Barod, yn rhoi cartref i un o lawer o ddigwyddiadau a gynhelir yr wythnos hon pryd y gwelir pedair miliwn o ieuenctid ledled Prydain yn cymryd rhan yn Wythnos Genedlaethol Chwaraeon Ysgol Lloyds TSB – y digwyddiad chwaraeon ysgol mwyaf ym Mhrydain.
Mewn lle arall, y prif atyniad oedd y nofwraig Caitlin McClatchey, enillydd dwbwl medal aur yng Ngemau’r Gymanwlad, gyda 100 o ieuenctid o Gaerlŷr, yn tyrru i Goleg Cymunedol Crown Hills, sydd hefyd yn aelod o rwydwaith Bydd Barod. Yn ymuno â Clatchey fel rhan o gwmni llawn sêr oedd Keelan Phillips, pencampwr triciau BMX a Lucy Garner, beicwraig addawol sydd hefyd yn ran o gynllun Arwr Lleol Lloyds TSB. Roedd Dan Hewins, Rheolwr Partnership Development, a fu’n help i drefnu’r diwrnod, wrth ei fodd gyda’r llwyddiant.
Gwelwyd pwysau trwm yn King’s Lynn pan ymwelodd Sam Sexton, cyn bencampwr Prizefighter, ag Ysgol King Edward VII gyda’r myfyrwyr yn gwneud addewidion ynglŷn â chyflawni ‘gorau personol’ yn ystod Wythnos Genedlaethol Chwaraeon Ysgol Lloyds TSB. meddai Sam Sexton, “Ni chefais i erioed mo’r cyfle i wneud yr hyn mae’r plant yma’n ei wneud yr wythnos hon ac rwy’n meddwl ei fod yn wych.”
Yn y cyfamser, heddiw yn Telford, ymunodd dros 160 o blant o ddeg ysgol wahanol i gael hwyl a sbri trwy ddod ynghyd ar gyfer cyfres o ddigwyddiadau i brofi eu hystwythder, cydbwysedd a chydlyniad. Cymerasant ran yng Ngemau Ieuenctid Telford a Wrekin gyda rhedeg, neidio a thaflu yn amlwg dros ben. Rhag bod ar ôl, bu Bryste hefyd yn brysur gyda dros 250 o blant ysgol yn cymryd rhan mewn Gŵyl Chwaraeon yng Nghanolfan Chwaraeon Coombe Dingle ym Mhrifysgol Bryste. Ymunwyd â hwy gan Olympiad Athen 2004, Matt Elias, gyda’r plant yn llwyfannu seremoni agor mewn dull Olympaidd, cyn ceisio cyflawni goreuon personol mewn ystod o gampau Olympaidd a Pharalympaidd gwahanol – yn cynnwys athletau, seiclo a jwdo.
Defnyddia Wythnos Genedlaethol Chwaraeon Ysgol Lloyds TSB rym Llundain 2012 i ysbrydoli plant i roi cynnig ar chwaraeon Olympaidd a Pharalympaidd. Gall eich ysgol leol gario’r Fflam Olympaidd yn Nhaith Gyfnewid Fflam Olympaidd Llundain 2012 neu ennill tocynnau ar gyfer Llundain 2012.
Anogir ysgolion a cholegau sy’n cymryd rhan yn Wythnos Genedlaethol Chwaraeon Ysgol Lloyds i gyflwyno cais i ymuno â rhwydwaith Bydd Barod.
