Enillodd Ben Rushgrove fedal arian yn Gemau Paralympaidd Beijing 2008!
Camp: Athletau (100/200m)
Dyddiad geni: 23 Chwefror 1988
Beth yw eich llwyddiant pennaf hyd yma mewn chwaraeon?
Torri'r record byd yn y 200m, ennill y fedal efydd ym Mhencampwriaethau'r Byd yn y 200m, torri'r record Ewropeaidd yn y 100m ac ennill medal arian yn y 100m (T36) yn Gemau Paralympaidd Beijing 2008.
Sut y cefaist dy flas cyntaf ar Athletau?
Yn yr ysgol - fy athro ymarfer corff ddaru fy nghyflwyno i athletau ar ôl fy ngwylio'n rhedeg o gwmpas yr ysgol.
Beth yw diwrnod 'nodweddiadol' i chi?
Ar hyn o bryd, oherwydd Beijing, mae fy rasus yn y boreau, felly dw i'n codi tua 6:00am. Pan fydd y tymor prifysgol yn dechrau byddaf yn mynychu darlithoedd, yn ysgrifennu gwaith cwrs a thraethodau, yn ogystal â threfnu amser ar gyfer ffisio a phethau eraill. Gyda'r nos dw i'n gwneud y rhan fwyaf o'r ymarfer, fel rheol am ddwy neu dair awr, cyn cyrraedd adref tua 8.00pm. Yna byddaf yn coginio, bwyta a chysgu.
Beth wyt ti'n hoffi ei wneud yn dy amser hamdden?
Yn fy amser hamdden dw i'n ymlacio trwy wylio ffilmiau a theledu, yn ogystal â threulio amser
gyda fy ffrindiau. Yn aml byddaf yn mynd am fwyd gyda rhai o fy mhartneriaid ymarfer.
Ar ba fath o gerddoriaeth yr wyt yn hoff o wrando?
Dw i ddim yn ffan mawr o unrhyw gerddoriaeth. Petai'n rhaid i mi ddewis - Queen mae'n debyg fyddai'r ateb.
