Eich brîff

Mae'r Olympic Development Authority (ODA) eisiau 'arddangos' ei arferion i'r diwydiant adeiladu.

Maent yn gosod meincnod newydd i'r diwydiant - ac maent am gymell llawer rhan o'r diwydiant adeiladu i efelychu'r arferion hyn.

Ar gyfer hyn, maent yn llunio cyfres o ddigwyddiadau (sioeau teithiol) i'r rheini sydd yn y diwydiant adeiladu. Gall y rhai a wahoddir 'ddewis a chymysgu' o ddetholiad o sgyrsiau a chyflwyniadau. Byddant hefyd yn gallu cael ymddiddan anffurfiol â phobl sy'n gyfarwydd â'r hyn a gyflawnodd yr ODA, neu afael mewn taflenni a phamffledi sy'n berthnasol i'w maes hwy o fewn y diwydiant.

Gofynnwyd i chi baratoi deunyddiau ar gyfer y sioeau teithiol hyn. Dylai'r digwyddiad gynnwys gwahanol gamau'r adeiladu i ymorol bod cymaint o bobl o'r diwydiant ag sy bosib yn teimlo'n gynwysiedig. Dylai'ch deunyddiau ar gyfer y sioe deithiol gynnwys:

Cyn-adeiladu

• Dylunio - pa elfennau dylunio cynaliadwy a gynhwyswyd, camau i ymorol y perfformiad gorau i'r adeilad, ffynhonell a math o ddeunyddiau a ddefnyddiwyd (cynaliadwy neu beidio)
• Cynllunio logisteg - sut y cludir y deunyddiau i'r safle ac oddi yno, pa ystyriaeth roddwyd i breswylwyr/ysgolion/cyfleusterau gerllaw, cynllunio iechyd a diogelwch.

Adeiladu

• Paratoi'r safle - yn cynnwys dymchwel, clirio'r safle, delio â llygredd, cydymffurfio â gofynion amgylcheddol (EIA)
• Gwaith tir - yn cynnwys gosod sylfeini, ffyrdd, traeniau (hel dŵr glaw a draenio dŵr budr) a chyfleustodau
• Uwchadeiladawaith - mae hwn yn cynnwys popeth uwchlaw'r tir, yn cynnwys cludo pŵer ac adfywio, a'r camau gymerwyd i leihau'r defnydd o bŵer.

Beth sy'n rhaid i chi ei wneud

Gweithiwch mewn timau bychain i gynllunio digwyddiad undydd y gellir ei gynnal trwy'r wlad. Amcan y diwrnod fydd defnyddio Gemau Llundain 2012 i 'arddangos' arferion gorau cynaliadwyedd ar gyfer pob un o'r camau cynadeiladu ac adeilau a amlinellir uchod.

Mae'r ODA wedi darparu ar eich cyfer lawer o adnoddau ar gyfer yr holl gamau adeiladu.
Fe all y byddwch am ganolbwyntio ar un 'cam' neu archwilio nifer. Penderfynwch hyn gyda'ch athro/darlithydd. Yn ddelfrydol, dylid cynnwys pob un o'r saith cam adeiladu a amlinellir uchod yn y sioe deithiol fel y gall gymaint ag y bo'r modd o bobl fod yno.

I'r sioe deithiol fod yn ddiddorol, bydd angen i chi ddarparu amrywiaeth o ddeunyddiau i'r cynrychiolwyr afael ynddynt a'u darllen, gwrando arnynt neu edu cludo ymaith/ Mae'r rhestr ganlynol yn rhoi enghreifftiau o'r math o 'ddeunyddiau' y dymunwch eu cyflwyno:

• Adroddiadau
• Arddangosfeydd
• Posteri, taflenni, pamffledi, pecynnau gwybodaeth
• Cyflwyniadau PowerPoint gyda nodiadau
• Cyflwyniad Parhaus PowerPoint a all roi gwybodaeth gyfredol
• Tudalennau gwefan
• Nodiadau ar gyfer sesiynau holi ac ateb
• Taflenni/dalennau gwybodaeth/dogfennau briffio.

Gweithgareddau estyn

• Archwiliwch y Codau Ymarfer a'r gofynion rheoliadol y mae'n ofynnol i'r ODA gydymffurfio â hwy
• Rhowch enghreifftiau o unrhyw safleoedd eraill a welsoch neu y clywsoch am lefelau tebyg o ymarfer da
• Rhowch enghreifftiau o'r mannau na chafwyd ymarfer da ac amlinellwch ganlyniadau'r arferion gwael hyn.

Adnoddau i'ch helpu gyda'r her

Chwiliwch am adnoddau yma